La Fundación de Nueves Teunoloxíes y Cultura / Muséu de la Minería y la Industria d’Asturies, al traviés d’esti Portal de Transparencia, manifiesta’l so compromisu col cumplimientu de la Llei 19/2013, de 9 d’avientu, de Transparencia, Accesu a la Información Pública y Bon Gobiernu, asina como de la Llei del Principáu d’Asturies 8/2018, de 14 de setiembre, de Transparencia, Bon Gobiernu y Grupos d’Interés.

Pa exercer el derechu d’accesu a la información, les persones interesaes podrán presentar les sos solicitúes al traviés de los siguientes canales de cóntautu:

• Corréu electrónicu: info@mumi.es
• Direición postal: El Trabanquín s/n. 33940 L’Entregu/El Entrego. Samartín del Rei Aureliu. Asturies.

La Fundación tramitará estes solicitúes nel plazu llegal d’un mes.

INFORMACIÓN INSTITUCIONAL

La Fundación Nueves Teunoloxíes y Cultura ye una entidá fundacional privada y ensin ánimu de llucru, creada’l 23 d’avientu de 1988 col propósitu de desendolcar actuaciones d’interés xeneral. Ta vinculada a la xestión y al desendolcu d’actividaes del Muséu de la Minería y de la Industria d’Asturies (MUMI). La Fundación dispón del CIF G33204686 y figura inscrita nel Rexistru de Fundaciones de competencia estatal per mediu de Resolución de 14 de payares de 1994, col númberu de rexistru 245.

La so denominación oficial ye FUNDACIÓN NUEVAS TECNOLOGÍAS Y CULTURA / MUSEO DE LA MINERÍA Y LA INDUSTRIA DE ASTURIAS.

La Fundación desendolca principalmente la so llabor nel territoriu nacional, ensin perxuiciu de la realización d’actividaes y de la colaboración con instituciones y entidaes d’ámbitu autonómicu, nacional o internacional cuando ello resulte afayadizu p’algamar los sos fines.

Los fines fundacionales compränden, ente otros, la introducción y utilización de les nueves teunoloxíes y les sos aplicaciones nos ámbitos de la cultura, les comunicaciones y la información; la promoción d’esposiciones de calter científicu-téunicu; el fomentu de la utilización de les nueves teunoloxíes nel entornu cultural; la investigación en materia de comunicación; la promoción y financiación d’estudios y proyeutos rellacionaos colos fines fundacionales; y la cooperación con otres instituciones, asociaciones y entidaes públiques o privaes p’algamar dichos fines.

Per cuantes asities al Muséu de la Minería y la Industria d’Asturies, exa de l’actividá so comprände la conservación, interpretación y difusión del legáu cultural mineru e industrial asturianu, por aciu de la promoción d’esposiciones, el fomentu de la investigación, el desendolcu de proyeutos, l’establecimientu de convenios de cooperación, la concesión de beques, premios y agudes, y la participación n’otres entidaes ensin ánimu de llucru vinculaes a los sos fines.

ÓRGANOS DE GOBIERNU Y PATRONATU

El Patronatu constituye l’órganu de gobiernu, representación y alministración de la Fundación, exerciendo les sos funciones d’alcuerdu a los estatutos fundacionales y a la normativa aplicable a les fundaciones. Ta integráu por:

Patronatu

• Dña. Ana Vanessa Gutiérrez González – Presidenta
• D. José Esteban Fernández Rico – Vicepresidente
• D. Pablo León Gasalla – Secretariu
• D. Fernando Fernández Menéndez – Vocal
• D. Pablo Pérez Pello – Vocal
• D. Raúl Montero Sánchez – Vocal
• D. Sergio Vicente Vicente – Vocal
• D. Juan Carlos Campo Rodríguez – Vocal
• Universidá d’Uviéu. Representada por D. Ángel Ignacio Villaverde Menéndez – Vocal
• Conceyu de Samartín del Rei Aureliu. Representáu por D. José Ramón Martín Ardines – Vocal
• HULLERAS DEL NORTE, S.A. (HUNOSA). Representada por D. Gustavo Martínez Pañeda – Vocal
• OROVALLE MINERALS, S.L. Representada por Dña. Nuria Menéndez Martínez – Vocal
• MAXAMCORP HOLDING, S.L. Representada por Dña. Gemma Sanz Moriche – Vocal

Dirección y xerencia

Dña. Cristina Cantero Fernández