El Castillete
El castillete mineru que preside la fachada ye unu de los elementos más simbólicos del muséu y un mirador singular del paisaxe de la cuenca del Nalón. Con daqué venti metros d’altor, equivalente a un edificiu de seis plantes, ufierta una panorámica privilexada pa entender l’impautu de les actividaes mineres ya industriales nel territoriu y les sos comunidaes.
01.
Desafío d’altor
Por motivos de seguridá, la xubida al castillete ta suxeta a ciertes condiciones y non ta disponible pa tolos públicos. La visita faise en grupos emponíos pol personal del muséu, tien un coste adicional sobre la entrada xeneral y rique la robla previa d’un protocolu d’accesu. Pues consultar equí tolos detalles.
02.
Viaxe nel tiempu
La xubida compleméntase con una esperiencia de Realidá Aumentada que recrea el paisaxe y la vida escontra 1940. Al traviés d’ella, puese reparar un territoriu en transición, marcáu pola convivencia ente’l mundu campesín y l’industrial, enantes de los cambeos que definieron la fisonomía actual de les cuenques mineres d’Asturies.
Xubida al Castillete
Tas a puntu de xubir al castillete del MUMI y vivir una esperiencia única.
Dende lo alto podrás contemplar una impresionante panorámica y afayar les buelgues que l’actividá minera ya industrial dexó nel territoriu y la vida de los sos habitantes.
La esperiencia supón xubir más de 20 metros d’altor, per escaleres empinaes, con peldaños volaos y mui estrechos.
Pa realizar la visita de forma segura, ye fundamental siguir les siguientes indicaciones:
Normes básiques de seguridá
- Pónte correutamente’l cascu con barboquejo que se te facilitó.
- Xube y baxa les escaleres dspaciu y con precaución, garrándote siempres a los pasamanos de dambos llaos y guardando distancia coles demás persones.
- Pa baxar los tramos d’escalera más inclinaos, fai d’espaldes y marcha tras, dspaciu y con precaución, metiendo los pies nel peldañu dafechu.
- Guarda’l teléfonu móvil y nun lu saques hasta llegar al pisu cimeru.
- Nun saques nin asomes nenguna parte del cuerpu per fuera de les barandielles.
- Respeta les zones restrinxíes y/o prohibíes.
- Nun abandones nin te separes del grupu.
- Nun corras, nin saltes, nin faigas movimientos sópitos.
- Sigue en tou momentu les indicaciones del nuesu equipu y si en dalgún momentu necesites la so ayuda, nun dudes en pidila.
Carauterístiques de la visita
- Visita emponida d’ida y vuelta per unes mesmes escaleres.
- Duración averada de 20 minutos.
- Pa grupos de 6 persones como máximu.
- Apta pa persones en condiciones físiques afeches, mayores d’edá y menores a partir de 14 años acompañaes.
- Ríquese calzáu apropiáu, nun permitiéndose zapatos de tacón, sandalies destalonaes nin chancles.
