Visita non disponible anguaño
Testigu de la historia obrera
El Pozu San Vicente ye un símbolu del legáu mineru ya industrial asturianu. Nes sos instalaciones tuvo llugar la primer esperiencia d’autoxestión obrera d’España y una de les más tempranes d’Europa. Güei sigue siendo un referente de la cultura minera y los sos valores de trabayu, llucha y conciencia social.
01.
Historia
En activu dende finales del sieglu XIX, el so capítulu más destacáu llegó en 1926, cuando’l Sindicatu de los Obreros Mineros d’Asturies (SOMA) asumió la so xestión direuta. Esta etapa terminó en 1937, pero’l pozu siguió funcionando hasta 1970.
02.
Valor cultural
Na actualidad, el Pozu San Vicente ta zarráu al públicu, anque tamos trabayando pa que nun futuru cercanu puea visitase y dase a conocer esti relevante episodiu de la historia obrera.
